Pangandoy Ko

Pangandoy ko nga ikaw makauban

Karon, ugma, ug hangtud sa kahangturan

Ikaw nga nag-inusarang pinitik ning dughan

Ikaw ang pangandoy ko sa tanan.

 

Bisan nasayod ako sa kamatuoran

Nga ki’ng gugma ko wala gayu’y kapadulngan

Kay ang gikahimutngan mo langit man

Samtang ako uyamot lamang.

 

Apan sa pangandoy wala ako hikabsan

Nga ikaw mahimong ako ug ako imo lamang

Unya inig abot sa saktong mga takna

Sa altar magkahiusa ang mga dughan ta.

 

Pangandoy ko nga maghinigugmaay kita

Hangtod sa kita magsungkod ug mangunot na

Pangandoy ko nga ambot ba kung matinood

Kay kanus-a pa ba mihalok sa yuta ang panganod?

Advertisements